لما رصيد الستر يخلص

لو شفت الفيديو ده ومش فاهم تعالا أقولك الحكاية من أولها، عشان تعرف إن الدنيا صغيرة والكاميرات غدارة:

امبارح في حفلة كولدبلاي في بوسطن، وفي فقرة الكاميرا اللطيفة اللي اسمها Cam… الكاميرا بتختار أي اتنين شكلهم رومانسي كده وتيجي عليهم عشان يبوسوا بعض والناس تصقف وتزغرد، يعني حاجة كيوت جدًا.

راحت جايبة اتنين قاعدين في حضـ,ـن بعض، أول ما شافوا نفسهم اتفصْـ,ـحوا… الست لفت وشها بسرعة كأنها شافت طليقها داخل القعدة، والراجل واطي راسه مستخبي كأنه بيدور على مفتاح وقع منه!

الفيديو اتنقل في ثواني على تيك توك والسوشيال ميديا، والناس بدأت تدور وراهم وتحقق كأنهم FBI، وطلع الموضوع مش سهل…

الراجل ده اسمه آندي بايرون، CEO شركة ذكاء صناعي اسمها Astronomer، وثروته 1.3 مليار دولار. والست الجميلة اللي معاه؟ دي مش مراته يا جماعة… دي الـHR في شركته كريستين كابوت.